తెలంగాణ స్టేట్ వర్కింగ్ జర్నలిస్ట్స్ అసోసియేషన్ మంచిర్యాల జిల్లా జాయింట్ సెక్రెటరీగా జన్నారం మండలం చింతగూడ గ్రామానికి చెందిన సీనియర్ జర్నలిస్టు మేడ మురళీధర్ ఏకగ్రీవంగా ఎన్నికయ్యారు.
శుక్రవారం మంచిర్యాల జిల్లా కేంద్రంలో అసోసియేషన్ జిల్లా కమిటీ ఎన్నికలు నిర్వహించారు. ఈ ఎన్నికల్లో జిల్లాలోని వివిధ మండలాల నుండి వచ్చిన జర్నలిస్టుల ఏకాభిప్రాయంతో మేడ మురళీధర్‌ను జిల్లా జాయింట్ సెక్రెటరీగా ఎన్నుకున్నారు.
ఈ సందర్భంగా పలువురు సీనియర్ జర్నలిస్టులు, సంఘం నాయకులు ఆయనకు పూలమాలలు వేసి శుభాకాంక్షలు తెలిపారు. అనంతరం మేడ మురళీధర్ మాట్లాడుతూ, తనపై నమ్మకంతో ఈ బాధ్యత అప్పగించిన జిల్లా నాయకత్వానికి, తోటి జర్నలిస్టులకు కృతజ్ఞతలు తెలిపారు. జర్నలిస్టుల సంక్షేమం, హక్కుల సాధన కోసం నిరంతరం కృషి చేస్తానని ఆయన పేర్కొన్నారు. ఆయన ఎన్నిక పట్ల జన్నారం మండల జర్నలిస్టులు, స్థానిక ప్రముఖులు హర్షం వ్యక్తం చేశారు.
