PRAJA MUDRA NEWS
Newspaper Banner
Date of Publish : 03 November 2026, 3:44 pm Posted by : PRAJA MUDRA NEWS

కడెం నీటి విడుదల నిలిపివేస్తే రైతుల ఆందోళన తప్పదు!

– జన్నారం మండల మాజీ వైస్ ఎంపీపీ సుతారి వినయ్ డిమాండ్

జన్నారం, నవంబర్ 03(ప్రజా ముద్ర న్యూస్) : కడెం ప్రాజెక్టు నుంచి సాగునీటి విడుదలను ఎట్టిపరిస్థితుల్లోనూ ఆపవద్దని, నీటి సరఫరాను కొనసాగించి రైతుల పంటలను కాపాడాలని జన్నారం మండల మాజీ వైస్ ఎంపీపీ సుతారి వినయ్ డిమాండ్ చేశారు. మంగళవారం ఆయన ఇరిగేషన్ శాఖ అధికారులతో సమావేశమై ప్రాజెక్ట్ నీటి విడుదలపై చర్చించారు.

ఈ సందర్భంగా వినయ్ మాట్లాడుతూ.. ప్రస్తుతం పంటలు ఎదుగుతున్న అత్యంత కీలకమైన దశలో ఉన్నాయని, ఈ సమయంలో నీటి సరఫరా నిలిపివేయడం సరికాదని పేర్కొన్నారు. అధికారులు నవంబర్ 7 వరకు నీటి విడుదల ఆపివేస్తే పంటలు పూర్తిగా ఎండిపోయి రైతులు తీవ్రంగా నష్టపోయే ప్రమాదం ఉందన్నారు. పంటలను కాపాడాల్సిన బాధ్యత అధికారులపైనే ఉందని, ఒకవేళ నీటి నిలిపివేత నిర్ణయాన్ని ఉపసంహరించుకోకపోతే రైతులతో కలిసి పెద్ద ఎత్తున ఆందోళన బాట పడతామని హెచ్చరించారు.